1 кастрычніка ў гродзенскім рэктаральным касцёле Звеставання Найсвяцейшай Панне Марыі (пабрыгіцкім) адбылася юбілейная ўрачыстасць з нагоды 25-годдзя манаскага жыцця с. Канстанцыі Лагоўскай CSFN.
Сястра Канстанцыя, якая паходзіць з Украіны, сёння нясе служэнне ў Лідзе.
Святую Імшу ўзначаліў а. Павел Раманчук OFM Conv. На літургіі прысутнічалі святары, сёстры назарэтанкі і сябры манахіні, парафіяне.
Падсумаваннем урачыстасці сталі віншаванні ад гасцей.
Прэс-служба Гродзенскай дыяцэзіі
