У апошнія дні міністранты лідскай парафіі Узвышэння Святога Крыжа (Фара) ездзілі на адпачынак ва Уселюб.
Пробашч уселюбскай парафіі святога Казіміра кс. Віталій Цыбульскі вельмі ахвотна прыняў міністрантаў, разам з якімі былі семінарысты і дыякан Уладзіслаў Малышка. На працягу некалькіх дзён хлопцы ўдзельнічалі ў супольнай Імшы, гульнях і канферэнцыях, падчас якіх распавядалася пра апекуноў міністрантаў.
Кожную раніцу дыякан Уладзіслаў збіраў усіх на зарадку. У апошні дзень паездкі ўдзельнікі пачаставаліся грылем, а таксама сустрэліся з чаканымі гасцямі – ксяндзамі Марэкам і Раманам, сястрой Галінай і моладдзю лідскай парафіі.
Адпачынак завяршыўся святой Імшой, якую ўзначаліў ксёндз Віталій Цыбульскі. Святар заахвоціў прысутных дзякаваць Богу за сваіх бацькоў, душпастыраў, законных сясцёр і пробашча лідскай Фары кс. каноніка Уладзіміра Гуляя.
Віталій Сямёнаў
