На святы Божага Нараджэння ў парафіі Узвышэння Святога Крыжа ў Лідзе (Фара) адбылася акцыя “Падары радасць на Каляды”. Кожны год вернікі парафіі прымаюць удзел у гэтай акцыі, працягваючы добрую святочную традыцыю.
Падчас Адвэнту парафіяне збіралі ўсё самае неабходнае для святочных падарункаў патрабуючым і шматдзетным сем’ям.
Потым вечарам моладзь разам са святарамі, законнымі сёстрамі і, вядома, святым Мікалаем развозілі падарункі і дзяліліся радасцю Нараджэння Пана.
Кожная сям’я выказвала цёплыя словы падзякі тым, хто ўдзельнічаў у святочнай акцыі.
Дзіяна Бранчэль