Надыходзяць дні, калі мы ўспамінаем спачылых і асабліва молімся за нашых блізкіх памерлых, наведваем могілкі.
Вернікі парафіі Узвышэння Святога Крыжа ў Лідзе (Фара) працягваюць падтрымліваць добрую традыцыю перад урачыстасцю Усіх Святых. Як і штогод, моладзь разам з вікарыем парафіі ксяндзом Раманам Вайцяховічам дапамагала ва ўпарадкаванні могілак каля капліцы святой Барбары.
Гісторыя гэтых могілак пачынаецца ў 1797 годзе, таму яны маюць вялікае гістарычнае і культурнае значэнне. Пасля прыбірання лісця і смецця адбылася сумесная малітва за пахаваных на могілках.
Наш абавязак – памятаць продкаў і шанаваць гісторыю. Заклікаем усіх добра падрыхтавацца да надыходзячай урачыстасці.
Дзіяна Бранчэль
Фота: Эвяліна Буцько
