czuwanie ng 5031 ліпеня – 1 жніўня ў касцёле Перамянення Пана ў Навагрудку, які ў 2018 г. быў абвешчаны санктуарыем благаслаўлёных назарэтанак-мучаніц, адбылося начное малітоўнае чуванне ў інтэнцыі сем’яў.

У святыні, дзе маліліся благаслаўлёная сястра Стэла і яе дзесяць паплечніц, якія загінулі ў час вайны, аддаўшы жыццё за іншых людзей, сабраліся вернікі, каб разам адзначыць 78-ю гадавіну расстрэлу навагрудскіх законніц. Большасць прысутных складала моладзь.

У межах сустрэчы вернікі ўдзельнічалі ў малітве Ружанца, набажэнстве Крыжовага шляху, выслухалі канферэнцыю, з якой выступіў пробашч парафіі Спаслання Духа Святога ў Бярозаўцы кс. Андрэй Радзевіч. Падчас чування маліліся за ўсе сем’і нашай краіны, бо менавіта за бацькаў сем’яў назарэтанкі ахвяравалі сваё жыццё ў 1943 г.

czuwanie ng 56

Сустрэча завяршылася святой Імшой, якая цэлебравалася ў 4.30 раніцы – прыблізна ў той час, калі сёстры прынялі ў Батароўскім лесе мучаніцкую смерць з рук гітлераўцаў.

Кс. Юрый Марціновіч

 

© 2006-2019 GRODNENSIS.BY  Creating and programming by Jan_Dax,  design by Alexey Sauhin.