Увечары 19 ліпеня мусульмане пачалі адзначаць адно з галоўных ісламскіх святаў – Курбан-байрам.
Раніцай 20 ліпеня на малітву ў мячэці быў запрошаны вікарый парафіі святых апосталаў Пятра і Паўла ў Іўі ксёндз Дзяніс Бразінскі. Ён выказаў мусульманам словы шчырых віншаванняў ад імя ўсёй парафіяльнай супольнасці.
Мусульмане жывуць у Іўі ўжо 600 гадоў. За гэты час католікі і татары маюць супольную гісторыю.
Графіня Эльвіра Замойская, уладальніца Іўя ў ХІХ стагоддзі, на ўласныя сродкі пабудавала на гарадскіх могілках капліцу святой Барбары і стала фундатаркай будаўніцтва мячэці ў Іўі: вылучыла зямлю пад яе і дала дазвол на выбар лепшага лесу ў якасці будаўнічага матэрыялу.
Раман Ярмош
