Увечары 17 ліпеня ўдзельнікі ўрачыстасцяў у гонар Маці Божай Шкаплернай у Гудагаі (Астравецкі дэканат) прайшлі Крыжовым шляхам па мясцовай Кальварыі, якая з’яўляецца самай працяглай у Беларусі.
Гудагайская Кальварыя пачынаецца недалёка ад санктуарыя, у якім знаходзіцца цудадзейны абраз Маці Божай Шкаплернай. Яна праходзіць праз палі і лясы і завяршаецца на парафіяльных могілках.
Напэўна, гэтае набажэнства, у якім удзельнічала некалькі соцень чалавек, дапамагло вернікам перажыць асаблівую еднасць з Хрыстом, адчуць Яго прысутнасць.
Разважанні і агульная атмасфера Крыжовага шляху спрыялі паяднанню з Езусам у сакрамэнце пакаяння.
Набажэнства завяршылася на могілках малітвай за памерлых.
Прэс-служба Гродзенскай дыяцэзіі
Фота: Ірэна Ахрамовіч
