gg416 ліпеня, калі ў Каталіцкім Касцёле адзначаецца ўспамін Найсвяцейшай Панны Марыі з гары Кармэль, у санктуарый Гродзенскай дыяцэзіі ў Гудагаі (Астравецкі дэканат) прыбылі копіі славутых ласкамі абразоў Маці Божай з беларускіх санктуарыяў.

Восем копій абразоў з Будслава, Браслава, Брэста, Бялынічаў, Гродна, Гудагая, Лагішына і Тракеляў будуць прысутнічаць падчас сёлетніх адпустовых урачыстасцяў у санктуарыі Маці Божай Шкаплернай.

У чэрвені адбылася аўтамабільная пілігрымка з гэтымі абразамі ўздоўж межаў Беларусі, якая пераадолела больш за 2500 км. Яна была арганізавана па ініцыятыве пробашча мінскай парафіі св. Сымона і св. Алены кс. каноніка Уладзіслава Завальнюка.

gg3

Падчас пілігрымкі ўдзельнікі здзяйснялі пост і малітву за нашу краіну, за з’яднанне беларускага народа, хутчэйшае аднаўленне санктуарыя ў Будславе пасля пажару, за ўсіх жыхароў краіны і ўмацаванне ў веры для ўсіх грамадзян.

Кс. Юрый Марціновіч

Фота: Ірэна Ахрамовіч

 

© 2006-2019 GRODNENSIS.BY  Creating and programming by Jan_Dax,  design by Alexey Sauhin.