У межах духоўнай падрыхтоўкі да сёлетніх адпустовых урачыстасцяў у санктуарыі Гродзенскай дыяцэзіі Маці Божай Каралевы нашых сем’яў у Тракелях, якія адбудуцца 10-11 ліпеня, прапануем адмысловую дзевяцідзённую малітву Навэнны да Маці Божай Тракельскай у інтэнцыі ўсіх сем’яў нашай краіны, а таксама за тыя сем’і, якія перажываюць праблемы.
Памолімся за дзяцей ва ўлонні маці і тых, якія ўжо здзяйсняюць паломніцтва па гэтай зямлі.
1. Mалітва на чацвёрты дзень
“Само па сабе мацярынства і бацькоўства з’яўляецца пацвярджэннем любові, дазваляе кожны раз адкрываць яе памер і першапачатковую глыбіню. Аднак гэта не адбываецца аўтаматычна. Ёсць заданне абаім: мужу і жонцы. Гэта заданне з’яўляецца ў жыцці кожнага такой “навіной” і такім багаццем, што нельга да яго набліжацца інакш, як “на каленях” (Пасл. да сем’яў № 7).
Марыя, Панна Трaкельская, Каралева нашых сем’яў! Ты з’яўляешся ўзорам і прыкладам для кожнай сям'і. Мы просім Цябе, адары дзяцей добрымі бацькамі, верай, надзеяй, любоўю, здароўем і розумам, каб у будучыні змаглі пабудаваць святасць паводле Твайго прыкладу.
2. Mалітва да Маці Божай Тракельскай
Мілая Панна і Маці Бога адзіная,
Моліш і песціш на руках Свайго Сына,
Ты ў Тракельскім ёсць абразе,
Дай нам дапамогу Сваю ў кожным разе.
Хто ж калі цуды Твае пералічыць можа,
Аб якіх ведаеш лепш Ты, Усемагутны Божа.
Штодзень і штогадзіну аб ласках Тваіх тут аб’яўляюцца навіны.
Дазволь нам гэта атрымаць, Маці наша,
Просім праслаўляць Цябе на зямлі, а потым у небе.
Не адпускай нас з-пад Сваёй апекі,
Молім Цябе сёння і навекі, Найсвяцейшая Панна. Амэн.
Маці Божая Тракельская, маліся за нас! (3 разы)
3. Mалітвы Ойча наш..., Вітай, Марыя... (3 разы), Хвала Айцу…
Тэкст Навэнны на польскай мове для друку ТУТ>>>
