Skip to main content

Біскуп Станеўскі ўдзяліў сакрамэнт канфірмацыі вернікам смаргонскай парафіі св. Яна Паўла ІІ

smorgon kanfirmacja 33Генеральны вікарый Гродзенскай дыяцэзіі біскуп Юзаф Станеўскі наведаў парафію св. Яна Паўла ІІ у Смаргоні, дзе ўдзяліў вернікам сакрамэнт канфірмацыі.

Прымаючы сем дароў Духа Святога, парафіяне абавязаліся ўзрастаць у веры і вызнаваць яе ў сваім штодзённым жыцці.

У гаміліі іерарх казаў пра жывую веру з Духа Святога. Біскуп заахвоціў да таго, каб быць адважнымі сведкамі Езуса Хрыста на месцах сваёй вучобы і працы, а таксама сведчыць пра Яго словам і ўчынкам.

smorgon kanfirmacja 49

На заканчэнне Эўхарыстыі тыя, хто прыняў сакрамэнт хрысціянскай сталасці, выказалі ўдзячнасць у адрас усіх, хто рыхтаваў іх да гэтай падзеі. Між іншым вернікі падзякавалі сваім душпастырам на чале з пробашчам парафіі кс. Яўгенам Учкуронісам.

Прэс-служба Гродзенскай дыяцэзіі