У пажары ў Нацыянальным санктуарыі Маці Божай Будслаўскай 11 мая была пашкоджана толькі базыліка: цудадзейны абраз не пацярпеў.
У першыя хвіліны пасля таго, як над дахам будслаўскай святыні раніцай заўважылі дым, намаганнямі пробашча будслаўскай парафіі ксяндза Дзмітрыя Дубовіка і валанцёраў з касцёла быў вынесены Найсвяцейшы Сакрамэнт і цудадзейны абраз Маці Божай Будслаўскай. Абраз знаходзіцца ў бяспечным месцы і неўзабаве зноў будзе даступны для ўшанавання вернікамі.