У Міжнародны жаночы дзень у гродзенскай парафіі св. Францішка Ксаверыя памаліліся за жанчын і ў іх інтэнцыях.
Імшу ўзначаліў пробашч парафіі кс. канонік Ян Кучынскі.
“Вы не лакаматыў, які цягне за сабою яшчэ 15 вагонаў, а жанчыны! І трэба гэта прыняць і адчуць сваю жаноцкасць”, – сказаў між іншым святар.
Ён пажадаў, “каб Марыя, прыклад цярплівасці, пакоры і мудрасці, была эталонам, на які хочацца раўняцца, да якога хочацца прыбягаць, дзяліцца і раіцца ў кожнай сітуацыі”.
Пасля Імшы міністранты падарылі жанчынам кветкі і павіншавалі са святам.
