У суботу 12 красавіка ў Гродне адбудзецца Крыжовы шлях па вуліцах горада. Ён пройдзе пасля святой Імшы, якая распачнецца ў 19.00 у катэдры св. Францішка Ксаверыя.
Скончыцца Крыжовы шлях у касцёле Адшукання Святога Крыжа (пабернардынскім).
Да ўдзелу запрашае ўсіх вернікаў парафій горада і яго наваколля біскуп Гродзенскі Уладзімір Гуляй. “Давайце разам дадзім у гэты Юбілейны год хрысціянства сваё асаблівае сведчанне веры ў Хрыста, які ўзяў на Сябе нашы грахі”, – адзначаецца ў паведамленні біскупа.
На набажэнства трэба ўзяць свечкі або ліхтарыкі. Крыж будзе несці паводле зацверджанага парадку моладзь розных парафій горада.
Разважанні для набажэнства падрыхтавалі сёлета гродзенскія сем’і.
