У гродзенскай парафіі Святога Духа (Альшанка) пачынаюцца хрысціянскія сустрэчы з цыклу “Цікава паразмаўляць”. Першая сустрэча пройдзе 19 кастрычніка, яе тэма – “Рэлігійнае выхаванне дашкалят, праблемы з мовай, уплыў гаджэтаў”.
Праграма:
13.00 – святая Імша
14.00 – уступная тэма “Рэлігійнае выхаванне дзяцей ва ўзросце да 3 і да 6 гадоў” (кс. Валерый Спірыдон)
14.30 – “Чырвоныя сцягі ў моўным развіцці” (лагапед)
15.00 – перапынак на каву
15.30 – “Уплыў гаджэтаў” (лагапед)
16.00 – магчымасць задаць пытанні; “развейванне міфаў”
Запрашаюцца маці ў дэкрэтным адпачынку, маці, у якіх ёсць дзіця дашкольнага ўзросту, і ўсе іншыя маці, якія цікавяцца гэтымі тэмамі. Дзяцей на сустрэчу просяць не браць, інакш, па словах арганізатараў, паразмаўляць не атрымаецца.
