5 кастрычніка ў катэдры Унебаўзяцця Найсвяцейшай Панны Марыі і святога Станіслава ў Магілёве (вул. Камсамольская, 4) адбудзецца VIІІ Ружанцовы кангрэс “Марыя і Ружанец у францішканскай духоўнасці”. Кангрэс пройдзе ў 30-годдзе існавання ў Беларусі “Легіёну Марыі”.
Правядзенне Ружанцовага кангрэса ў магілёўскай катэдры на пачатку кастрычніка – месяца, асабліва прысвечанага ў Касцёле Маці Божай, – ужо стала традыцыяй. Кангрэс праводзіцца па ініцыятыве айцоў дамініканаў. Мэта сёлетняга кангрэса – паглыбленне духоўнай і інтэлектуальнай фармацыі вернікаў, якія моляцца на ружанцы.
Даклады ў межах кангрэса падрыхтуюць прадстаўнікі трох галін Ордэну францішканаў. На мерапрыемстве будзе выказана падзяка Богу за 30 гадоў існавання ў Беларусі “Легіёну Марыі”.
Арганізатары запрашаюць да ўдзелу ўсіх ахвотных, асабліва тых вернікаў, якія належаць да ружанцовых колаў і “Легіёну Марыі”. Таксама арганізатары просяць аб малітве ў інтэнцыі добрых плёнаў кангрэса.
Для ўдзелу неабходна да 1 кастрычніка зарэгістравацца, падаўшы інфармацыю пра ўдзельнікаў:
- імя, прозвішча;
- населены пункт, парафія;
- колькасць асоб, якія будуць удзельнічаць у кангрэсе;
- кантактны нумар тэлефона.
Інфармацыю падаць а. Раману Шульцу ОР па тэлефоне ці электронным адрасе:
+375 29 291 92 11 (Viber, Telegram)
e-mail:
9.30-10.15 – рэгістрацыя ўдзельнікаў
10.20 – адкрыццё кангрэса
10.30-11.10 – даклад а. Юрыя Находкі OCD “Роля Маці Божай і ружанцовай малітвы ў фармацыі і апостальстве легіянераў Марыі”
11.15-11.55 – даклад а. Стэфана Пупейкі OFM “Марыйная духоўнасць у жыцці св. Францішка Асізскага”
(пасля дакладаў – магчымасць задаць пытанні, дыскусія, размова)
12.15-13.00 – адарацыя Найсвяцейшага Сакрамэнту, Ружанец
13.00-14.00 – сумеснае фота, абед
14.00-14.40 – даклад а. Андрэя Багдановіча OFMCap “Марыя і Ружанец у жыцці францішканаў капуцынаў”
14.40-15.20 – даклад a. Яўгена Голуба OFMConv “Беззаганная ў думцы і жыцці св. Максімільяна Марыі Кольбэ і францішканскай канвентуальнай традыцыі”
(пасля дакладаў – магчымасць задаць пытанні, дыскусія, размова)
15.30-16.00 – перапынак
16.00-16.30 – сведчанні пра плён Ружанцовых кангрэсаў у Магілёве і ружанцовай малітвы
16.30 – падрыхтоўка да святой Імшы
17.00 – святая Імша на завяршэнне кангрэса на чале з біскупам Андрэем Зноскам
