З 30 жніўня па 1 верасня ў касцёле св. Арханёла Міхала ў Навагрудку (вул. Міцкевіча, 1) адбудуцца рэкалекцыі пакаяння за Беларусь. Да ўдзелу запрашаюцца свецкія вернікі, духавенства, кансэкраваныя асобы.
Натхненнем да гэтых адмысловых духоўных практыкаванняў сталі фацімскія аб’яўленні Маці Божай. У гэтых аб’яўленнях, якія адбываліся ў неспакойны час вайны і рэвалюцый, Панна Марыя заклікала да пакаяння і навяртання.
У праграме рэкалекцый будуць дзве ўсяночныя адарацыі, некалькі канферэнцый, пілігрымка пакаяння ва Уселюб да Маці Божай Новага Жыцця, Крыжовы шлях і іншыя набажэнствы.
Тэлефон для запісу і атрымання дадатковай інфармацыі:
+375 44 771 99 83 Марына
Удзельнікам прапануецца: здзяйсняць у час рэкалекцый пост на вадзе або на вадзе і хлебе; скласці пакаяннае матэрыяльнае ахвяраванне за сябе на духоўныя мэты; добра падрыхтавацца да споведзі.
Кожны ўдзельнік павінен мець з сабой Біблію і ружанец.
Праграма рэкалекцый:
30 жніўня, пятніца
18:00 – святая Імша
19:30 – вячэра
20:00 – канферэнцыя аб патрэбе экспіяцыі за грахі і нявернасць (малітва прыніжэння (prostratio perfectae), тлумачэнне ў некалькіх словах)
21:00 – Крыжовы шлях пакаяння
23:30 – малітва прыніжэння, пачатак усяночнай адарацыі Найсвяцейшага Сакрамэнту
31 жніўня, субота
8:00 – супольнае заканчэнне начной адарацыі
8:30 – сняданак
10:00 – “Актуальнасць Фацімскага паслання адносна перапрашэння Бога за чалавечыя грахі і знявагі”
11:00 – Гадзінкі да Маці Божай
12:00 – “Анёл Панскі”
12:30 – абед
13:30 – пілігрымка пакаяння ва Уселюб (магчымасць споведзі; Вяночак да Божай Міласэрнасці; канферэнцыя пра Ружанец і яго моц; Ружанец)
18:00 – святая Імша ў інтэнцыях вырашэння праблем у сем’ях і грамадстве
19:30 – вячэра
20:30 – супольная малітва ўдзячнасці і праслаўлення ў адарацыі Найсвяцейшага Сакрамэнту
22:00 – пакаянная працэсія вакол касцёла са свечкамі
23:00 – начная адарацыя Найсвяцейшага Сакрамэнту
1 верасня, нядзеля
7:30 – заканчэнне начной адарацыі
8:00 – сняданак
8:45 – канферэнцыя пра вартасць удзячнасці Богу
10:00 – святая Імша падзякі, заканчэнне
