3 жніўня ў парафіі св. Казіміра ва Уселюбе (Навагрудскі дэканат) адбудзецца фестываль-рэкалекцыі “Novafest”.
Тэма сёлетняга фестывалю – новае жыццё, біблійны падмурак тэмы – словы з Евангелля “Аднавіце дух вашага розуму і апраніцеся ў новага чалавека” (пар. Эф 4, 24). Спікеры будуць дапамагаць удзельнікам знайсці адказы на розныя пытанні, у тым ліку: “Што азначае “новае жыццё” для хрысціяніна?”, “Што значыць “адкінуць старога чалавека” і “апрануцца ў новага”?”, “Ці з’яўляюся я новым чалавекам або хачу быць ім?” Спікерамі будуць біскуп Гродзенскі Аляксандр Кашкевіч, кс. Яўген Амасёнак, а. Яўген Голуб OFM Conv, кс. Віталій Цыбульскі.
Фестываль можна наведаць з дзецьмі. У гэтым годзе малодшых удзельнікаў чакаюць пляцоўкі для гульняў і розныя цікавыя заняткі.
Традыцыйна будзе працаваць “Казіміраўская пошта”, з дапамогай якой можна будзе парадаваць сваіх блізкіх малітоўным прывітаннем.
Праграма фестывалю:
10.00 – рэгістрацыя, спевы ў духу супольнасці “Taize”
11.00 – святая Імша
13.00 – канферэнцыя “Аднавіце дух вашага розуму і апраніцеся ў новага чалавека” (кс. Яўген Амасёнак)
14.00 – абед, асабісты час
15.00 – малітва спевам каля алтара Маці Божай Новага Жыцця
15.30 – канферэнцыя “З Марыяй да новага жыцця” (а. Яўген Голуб OFM Conv)
17.00 – сведчанні
19.00 – Крыжовы шлях суцяшэння
20.30 – адарацыя; малітва аздараўлення
22.00 – благаслаўленне
Для ўдзелу трэба зарэгістравацца па спасылцы.
або па тэлефоне: +375 29 124 07 39 Ірына (Telegram, Viber)
Адрас: касцёл святога Казіміра, вул. Чырвонаармейская, 20, аг. Уселюб, Навагрудскі р-н, Гродзенская вобл.
Арганізатары прапануюць перавозку ўдзельнікаў фестывалю па маршрутах Мінск – Уселюб – Мінск, Гродна – Уселюб – Гродна.
За навінамі фестывалю можна сачыць на сайце novafest.by і ў Іnstagram.
