9 ліпеня ў касцёле св. Вацлава ў Ваўкавыску адбудзецца святая Імша ў інтэнцыі кс. прэлата Антонія Філіпчыка ў першую гадавіну яго смерці.
Пачатак у 19.00.
Духавенства, законныя сёстры і свецкія вернікі запрашаюцца на Імшу, каб супольна памаліцца аб жыцці вечным для спачылагa.
Ксёндз прэлат Антоній Філіпчык, сын Антонія і Феліцыі, нарадзіўся 17 чэрвеня 1949 г. у вёсцы Чыжоўшчына на Астравеччыне.
Скончыў сярэднюю школу ў Варнянах. У 1977-1982 гг. вучыўся ў Вышэйшай духоўнай семінарыі ў Каўнасе.
6 чэрвеня 1982 г. у катэдры ў Каўнасе біскуп Людвік Павалёніс удзяліў яму прэзбітэрскае пасвячэнне.
У першыя гады святарскага служэння быў вікарыем у Літве ў Швянчонісе (1982 г.), Эйшышкесе (1982-1983 гг.), затым пробашчам парафіі ў Пабрадэ.
У лістападзе 1988 г. прыбыў у Ваўкавыск. Да самай смерці быў пробашчам парафіі св. Вацлава і дэканам Ваўкавыскага дэканату. Адышоў у вечнасць 9 ліпеня 2023 г.
