15 чэрвеня ў касцёле Маці Божай Тройчы Цудоўнай у Мастах адбудуцца рэкалекцыі пад назвай “Ад пакутаў да аздараўлення”.
“Часта людзі скардзяцца, што шмат разоў адракаліся ад зла і наступстваў граху, шмат моляцца, але далей за дэпрэсію ў іх нічога не змяняецца, яны не чуюць Бога, хоць і хочуць быць шчаслівымі, любіць і дарыць любоў, – адзначае арганізатар рэкалекцый. – Я пачаў паглыбляцца ў такую тэму: скажы, на што ты хварэеш, і я скажу, што ты не перажыў. Значыць, мы не перажылі ці перажылі самотна, у адасобленасці, свае эмоцыі, страхі, стрэсы, канфлікты, трагічныя сітуацыі, смерць блізкіх.
Мне пашанцавала, бо ў мяне пры вывучэнні гэтых тэм адразу адбываецца практыка, а менавіта індывідуальныя споведзі і малітвы. І вельмі наглядна бачна на прыкладзе многіх людзей, дзе хаваюцца карані іх хваробаў, страхаў, нізкай самаацэнкі, разводаў у сем’ях.
Для ўсіх пытанняў ці хваробаў нельга знайсці ідэальнага рашэння, бо аднаўленне і аздараўленне – гэта праца чалавека над сабой, канешне, з Панам Богам.
А як часта ў нас бывае пачуццё віны, як шмат комплексаў і страхаў!
Пра ўсё гэта мы і будзем размаўляць на рэкалекцыях”.
Запіс па нумары тэлефона (Viber):
+375 29 586 39 16 ксёндз Віктар
Праграма:
11.00 – першая канферэнцыя
12.30 – другая канферэнцыя
13.30 – перапынак на абед
15.00 – Вяночак да Божай Міласэрнасці; трэцяя канферэнцыя
17.00 – святая Імша; адарацыя Найсвяцейшага Сакрамэнту
