1 мая ў Будславе прадстаўнікі розных рэлігійных рухаў і супольнасцяў Беларусі збяруцца на традыцыйную сустрэчу. Яна пройдзе па ініцыятыве і з удзелам генеральнага вікарыя Мінска-Магілёўскай архідыяцэзіі біскупа Юрыя Касабуцкага.
Сёлета сустрэча будзе прысвечана тэме 2024 пастырскага года “Касцёльныя рухі ў евангелізацыі Беларусі”. На ёй адбудзецца прысвячэнне кожнага руху Найсвяцейшаму Сэрцу Езуса з нагоды падрыхтоўкі да інтранізацыі Сэрца Езуса ў Касцёле на Беларусі і 125-годдзя з моманту прысвячэння ўсяго свету Найсвяцейшаму Сэрцу Езуса.
На сустрэчы можна будзе блiжэй пазнаёмiцца з касцёльнымі рухамі, якія дзейнічаюць у нашай краіне.
Праграма:
10.30 – прыбыццё і прывітанне пілігрымаў
10.45 – прэзентацыя рухаў
11.15 – Ружанец і маёвае набажэнства
12.00 – святая Імша з удзелам генеральнага вікарыя Мінска-Магілёўскай архідыяцэзіі біскупа Юрыя Касабуцкага
13.15 – абед
14.00 – канферэнцыя “Касцёльныя рухі ў евангелізацыі Беларусі” (адказны – айцец Андрэй Авен OCD)
14.30 – адарацыя Найсвяцейшага Сакрамэнту
15.00 – Вяночак да Божай Мiласэрнасцi, благаслаўленне Найсвяцейшым Сакрамэнтам
15.15 – благаслаўленне вады і набытых рэлігійных рэчаў
15.20 – прысвячэнне кожнага руху Найсвяцейшаму Сэрцу Езуса
16.00 – заканчэнне сустрэчы
З 14.00 да 15.20 прадугледжана асобная праграма для дзяцей.
Абед па прычыне вялікай колькасці ўдзельнікаў пажадана ўзяць з сабой.
Арганізаваны прыезд на аўтобусе ў Будслаў з Мінска. Ад’езд у 8.00 ад Чырвонага касцёла, прыкладны кошт 25 руб.
Тэлефон для запісу: +375 29 557 82 26.
Арганізатары просяць прадстаўнікоў супольнасцяў паведаміць аб удзеле ў сустрэчы, даслаўшы паведамленне на нумар +375 29 556 47 30 (Viber).
