20 снежня самыя малодшыя вернікі парафіі Узвышэння Святога Крыжа ў Лідзе разам са сваімі бацькамі ўжо распачалі святкаванне Божага Нараджэння.
У гэты дзень яны сустрэліся ў катэхетычнай зале, дзе ў кароткім прадстаўленні прыгадалі праўду аб Нараджэнні Пана.
Пробашч парафіі кс. канонік Уладзімір Гуляй выказаў віншаванні і традыцыйна падзяліўся з прысутнымі аплаткай.
Не абышлося ў гэты дзень без візіту св. Мікалая, які завітаў да дзяцей з падарункамі.
За сумеснай гарбатай прысутныя спявалі калядкі і цешыліся той праўдзе, што Езус нарадзіўся. Сваю сустрэчу яны завяршылі ўдзелам у святой Імшы ў парафіяльным касцёле.
