10 кастрычнiка прадстаўнікі літургічнай службы алтара парафіі св. Яна Паўла ІІ у Смаргоні наведалі Вышэйшую духоўную семінарыю ў Гродне.
У наведванні гэтай духоўнай навучальнай установы, дзе распазнаюць сваё пакліканне і рыхтуюцца да святарства, міністрантаў суправаджаў вікарый парафіі кс. Віталій Валюк.
Мiнiстранты пазнаёмiлiся з гiсторыяй семiнарыi i паўдзельнiчалi ў экскурсii, якую правёў яе студэнт Андрэй Юхнiк.
Важным момантам візіту стала святая Iмша ў каплiцы гродзенскай Alma Mater. Падчас Эўхарыстыі міністранты малiлicя аб распазнаннi свайго паклiкання, добрым служэннi ля алтара Пана, за семінарыстаў i за сваю парафiяльную супольнасць.
У межах пілігрымкі ў Гродна маладыя вернiкi смаргонскай парафii пазнаёмiлiся з гiсторыяй горада, наведалi некаторыя святынi і замак, у якiм жыў св. каралевіч Казiмір, памалiлiся за Беларусь перад цудадзейным абразом Мацi Божай Кангрэгацкай. На заканчэнне яны наведалi гродзенскi заапарк.
JM
