Не так даўно адна з самых старажытных рыма-каталіцкіх святыняў Беларусі – св. Казіміра ва Уселюбе (Навагрудскі дэканат) – запусціла сваю інтэрнэт-старонку.

Сёння на ёй можна даведацца пра актуальныя падзеі жыцця святыні, а таксама пра рэкалекцыі, якія арганізоўваюцца пры парафіі.

У прывітальным слове на старонцы пробашч парафіі кс. Віталь Цыбульскі падкрэслівае, што на працягу многіх стагоддзяў менавіта ўселюбскі касцёл быў месцам малітвы і паломніцтва. Гэтая выбітная святыня нашай краіны прысвечана апекуну ВКЛ і Польшчы, сучаснай Літвы і Гродзенскай дыяцэзіі святому каралевічу Казіміру з дынастыі Ягелонаў, які вельмі шанаваў Маці Божую.

“Гэта святыня з’яўляецца прытулкам больш чым для 200 вернікаў парафіі, якія ўшаноўваюць святога Казіміра і Маці Божую Новага Жыцця і прадстаўляюць народы, культуры і традыцыі, якія з’яўляюцца асновай каталіцкай веры і мазаікі нашага беларускага народа. Нездарма яе ласкава называюць «утульная ўселюбская святыня»”, – дадае святар.

Уселюбскі касцёл з 2018 года стаў таксама вядомы як святыня Маці Божай Новага Жыцця. Штогод яна прымае больш за некалькі тысяч наведвальнікаў. 

Пры святыні рэгулярна арганізоўваюцца рэкалекцыі, на якіх вернікі збіраюцца, каб праславіць Бога, ушанаваць Маці Божую, прасіць заступніцтва святога Казіміра і распаўсюджваць Божае Слова там, куды б яны ні былі пасланыя.

Ад імя ўсіх вернікаў парафіі, супрацоўнікаў і валанцёраў касцёла святога Казіміра пробашч выказвае спадзяванне, што анлайн-візіт натхніць на наведванне гэтага асаблівага месца. “Мы з радасцю будзем чакаць магчымасці прывітаць Вас!” – адзначае святар.