Біскуп Кашкевіч удзяліў сакрамэнт канфірмацыі ў парафіі Божай Міласэрнасці ў Гродне

6 кастрычніка біскуп Гродзенскі Аляксандр Кашкевіч наведаў парафіяльную супольнасць Божай Міласэрнасці ў Гродне.

Падчас Эўхарыстыі больш за 70 чалавек прынялі сакрамэнт хрысціянскай сталасці.

Святую Імшу іерарх цэлебраваў у інтэнцыі ўсёй парафіяльнай супольнасці. Ён маліўся асаблівым чынам за кандыдатаў да канфірмацыі, каб яны кожны дзень стараліся выконваць абавязак, які чалавек прымае ў гэтым сакрамэнце, – мужна вызнаваць сваю веру і паступаць паводле яе прынцыпаў.

Звяртаючыся да моладзі і старэйшых вернікаў, якія прымалі сем дароў Духа Святога ў канфірмацыі, біскуп падкрэсліў, што гэты сакрамэнт патрэбны, каб распазнаваць Божую волю і дзейнічаць паводле яе, а таксама несці святло Хрыстовага Евангелля ў месцы сваёй вучобы і працы.

Пастыр Касцёла на Гродзеншчыне падзякаваў бацькам маладых людзей і катэхетам, якія прычыніліся да рэлігійнага выхавання маладога пакалення – надзеі Касцёла і народа.

Кс. Юрый Марціновіч

Фота: Баляслаў Гавецкі