22 снежня пры парафіі Узвышэння Святога Крыжа ў Лідзе (Фара) адбылася аплаткавая сустрэча для наймалодшых парафіян.
Спачатку дзеці паказалі кароткае прадстаўленне пра прыйсце ў свет Збаўцы. Затым яны праспявалі калядкі. З вялікай радасцю трымаючы ў ручках белыя аплаткі, дзеці дзяліліся імі і выказвалі віншаванні, што паходзілі з сэрца.
Пробашч парафіі кс. канонік Уладзімір Гуляй, звяртаючыся да бацькоў і дзяцей, пажадаў ім быць кожны дзень для іншых анёламі, якія будуць звеставаць радасць пра нараджэнне Езуса Хрыста.
Сустрэча працягнулася ў цёплай сямейнай атмасферы за святочным сталом, а на заканчэнне святы Мікалай уручыў дзецям падарункі.
JM
