17 снежня дабрачынная група “Уваскрасенне” Душпастырства студэнтаў і старэйшай моладзі “OPEN” пад кіраўніцтвам кс. каноніка Антонія Грэмзы наведала дзяцей з асаблівасцямі развіцця з Гродзенскага цэнтра карэкцыйна-развіваючага навучання і рэабілітацыі.
Маладыя людзі падзяліліся радасцю з нагоды блізкіх святаў Божага Нараджэння з дзецьмі, чые магчымасці абмежаваныя па прычыне здароўя.
Яны выказалі ім добрыя словы і святочныя віншаванні, а таксама падарылі слодычы.
Дабрачынная група “Уваскрасенне” ўжо шмат гадоў супрацоўнічае з гэтым цэнтрам для “асаблівых” дзяцей. У межах супрацоўніцтва яна арганізуе для іх святы з нагоды Міжнароднага дня дзіцяці і з іншых нагодаў, a напярэдадні святаў прыходзіць да іх у госці з віншаваннямі і салодкімі падарункамі.
Кс. Юрый Марціновіч
