Хор “Vox Domini” гродзенскай парафіі Найсвяцейшага Адкупіцеля (Дзевятоўка) у сярэдзіне верасня выпусціў свой першы дыск.

Як паведамляе сайт парафіі redemptor.by, гэты дыск з’яўляецца вынікам 10-гадовай працы харыстаў. Дыск быў выпушчаны ў Супраслі (Польшча).

Хор “Vox Domini” (з лац. – “Голас Пана”) быў заснаваны ў сакавіку 2009 г. пры гродзенскай парафіі Найсвяцейшага Адкупіцеля. Гэта змяшаны аматарскі хор.

Яго членамі з’яўляюцца парафіяне, якія захапляюцца спевам. Сваімі галасамі яны праслаўляюць Пана падчас святой Імшы, адпустовых урачыстасцяў, святаў Божага Нараджэння і Вялікадня, а таксама канцэртных выступленняў. Зараз у ім удзельнічае каля 40 чалавек. Кіраўнік і дырыжор хору – Вольга Маркевіч.

Хор выступае з канцэртамі ў Беларусі і Польшчы.