Адбыліся рэкалекцыі для міністрантаў лідскай парафіі Святой Сям'і

27-31 жніўня адбыліся рэкалекцыі для міністранатаў лідскай парафіі Святой Сям’і.

Амаль 20 юнакоў сабраліся ў в. Уселюб (Навагрудскі дэканат) пад кіраўніцтвам кс. Паўла Скубы, вікарыя парафіі, каб засяродзіцца над сваім жыццём і набрацца духоўных сіл перад новым навучальным i катэхетычным годам.

Кожны дзень у праграме былі канферэнцыя, разважанне ў групах разам з семінарыстамі і старэйшымі міністрантамі над Святым Пісаннем і засяроджванне над хвалюючымі пытаннямі, малітвы Вяночка да Божай Міласэрнасці і Ружанца. Галоўным пунктам дня была св. Імша.

Паміж рэлігійнымі практыкамі для юнакоў праводзіліся спартыўныя спаборніцтвы і інтэлектуальныя гульні.

Міністранты ўдзячныя кс. Паўлу Скубу за прысвечаны ім час і перакананыя, што гэтая сустрэча стане матывацыяй, каб з яшчэ большай руплівасцю і адданасцю служыць Езусу Хрысту і сваёй парафіяльнай супольнасці.

Андрэй Юхнік