16-17 жніўня ў Баранавічах (Пінская дыяцэзія) у рэкалекцыйным доме ксяндзоў вербістаў прайшлі рэкалекцыі каталіцкай апостальскай арганізацыі «Легіён Марыі».

У сустрэчы ўдзельнічалі між іншым прадстаўнікі Гродзенскай дыяцэзіі з Гродна, Ліды, Іўя, а таксама іншых дыяцэзій.

Гэтыя два дні былі напоўнены духоўнай ежай: канферэнцыямі, легіянерскімі малітвамі, святымі Імшамі. Быў час для размоваў і абмеркавання розных легіянерскіх пытанняў.

Удзельнікі выказваюць падзяку брату Корнэлю Консэку SVD і кс. Конраду Патыку SVD за цудоўныя ўмовы, смачнае харчаванне і выдатна праведзены час.

Таксама яны вельмі ўдзячныя кс. Віталію Сідорку, пробашчу лідскай парафіі Св. Юзафа, рамесніка, і благаслаўлёных сясцёр-мучаніц з Навагрудка, які праводзіў рэкалекцыі, за набліжэнне вобразу Божай Маці, паказ Яе рысаў, Яе прысутнасці ў Святым Пісанні і Яе ролі ў справе збаўлення. Гэтыя два дні дапамаглі ўдзельнікам напоўніцца духам Марыі.

Tэрэса Вашчыла