1 мая ў гродзенскай парафіі Беззаганнага Зачацця Найсвяцейшай Панны Марыі (Паўднёвы) адбылася першая арганізацыйная сустрэча валанцёраў Дыяцэзіяльнага дня дзіцяці. IX Дыяцэзіяльны дзень дзіцяці адбудзецца 1 чэрвеня ў Гродне.
На сустрэчы сабралося больш за 30 чалавек з розных парафій Гродна, якія выказалі жаданне ўдзельнічаць у падрыхтоўцы свята для дзяцей Гродзенскай дыяцэзіі.
Кожны ўдзельнік сустрэчы запоўніў анкету, у якой напісаў свае даныя, а таксама некалькі слоў пра сябе і свае здольнасці. Потым арганізатары прааналізуюць анкеты, падзеляць абавязкі і размяркуюць удзельнікаў у адпаведныя групы і майстэрні, якія будуць дзейнічаць падчас Дня дзіцяці.
Арганізатары чакаюць і новых валанцёраў, якія захочуць разам падрыхтаваць шматлікія забавы для дзяцей падчас гэтага свята. Чакаюцца таксама новыя ідэі і задумы, якімі можа падзяліцца кожны жадаючы.
Паведаміць пра свой удзел у валанцёрстве і атрымаць больш інфармацыі пра гэта можна ў кс. Юрыя Марціновіча — арганізатара і адказнага за Дыяцэзіяльны дзень дзіцяці: e-mail: sakralna@op.pl тэл.: (8 029) 784 05 72
Наступная сустрэча валанцёраў адбудзецца 9 мая ў гродзенскай парафіі Беззаганнага Зачацця Найсвяцейшай Панны Марыі ў 18.00.
JM
