Раство лічыцца сямейным святам - яго звычайна адзначаюць сярод блізкіх людзей. Аднак сярод нас ёсць тыя, хто з-за невылечнай хваробы не можа правесці калядны час дома.
25 снежня ў стацыянары хоспіса гарадской клінічнай бальніцы №3 г. Гродна адбылося традыцыйнае дзяленне аплаткай – сімвалам Цела Хрыста. Перадусім прысутнае духавенства, кс. Аляксандр Венцкевіч SCJ і кл. Віталь Венцкевіч SCJ прачыталі ўрывак з Евангелля пра нараджэнне Збаўцы. Таксама напярэдадні сустрэчы ў хоспіс быў дастаўлены Бэтлеемскі агонь – сімвал радасці і надзеі.
Аплаткавае спатканне было арганізавана дзякуючы супрацоўнікам і валанцёрам “Цэнтра Дапамогі Жыццю”, які падтрымлівае невылечна хворых пацыентаў.
Алег Гарбачоў
