Хрысціянам Беларусі,
якія святкуюць Вялікдзень
1 красавіка 2018 года
Дарагія суайчыннікі!
Сардэчна віншую вас з Вялікаднем!
У гэтыя цудоўныя дні мы звяртаемся да каштоўнасцей, якія ляжаць у аснове хрысціянства, праслаўляем высакародныя ідэалы гуманізму, імкненне да міру і справядлівасці.
Бязмежная міласэрнасць і глыбокая вера пабуджаюць людзей да спагады, а трапяткое стаўленне да шматвяковых духоўных традыцый дорыць надзею на перамогу дабра ў кожным кутку нашай планеты.
Вялікдзень нагадвае нам аб высокім прызначэнні чалавека служыць бліжнім і дапамагаць пакутным, аб важнасці ўзнімацца над мітуснёй і дробнымі разладамі, дасягаць згоды ў дамах і сем'ях.
Няхай светлае свята Уваскрэсення Хрыстовага прыўнясе ў ваша жыццё цяпло і радасць веснавога адраджэння.
Моцнага вам здароўя, шчасця і дабрабыту.
Аляксандр Лукашэнка
Паводле president.gov.by
