23 снежня ў стацыянары хоспіса гарадской клінічнай бальніцы №3 г. Гродна адбыўся калядны канцэрт з серыі “Музычны полудзень”.
Для пацыентаў выступіў са сваёй канцэртнай праграмай дзіцячы хор “Misterium” гродзенскай парафіі Маці Божай Анёльскай. Слухачы, якія сабраліся ў імправізаванай канцэртнай зале стацыянара, захапляліся спевамі хору.
Дзеці падрыхтавалі праграму з каляднымі песнямі, якія дапамаглі наблізіцца да Божага Нараджэння. Такія канцэрты вельмі важныя ў хоспісах, бо зараджаюць пазітыўнымі эмоцыямі і бадзёрасцю духу тых, хто даўно змагаецца з хваробай.
Алег Гарбачоў
