У апошнія дні свайго пілігрымавання па Гродзенскай дыяцэзіі фігура Маці Божай Фацімскай 19 кастрычніка наведала парафіяльную супольнасць Найсвяцейшай Тройцы ў Індуры (дэканат Гродна-Захад).
Сустрэча з Паннай Марыяй у фацімскай фігуры была для вернікаў часам супольнай і асабістай малітвы, магчымасцю даверыць Ёй усе свае справы.
Перэгрынацыя фацімскай фігуры пачалася ў дыяцэзіі 13 мая бягучага года. За гэты перыяд фігура наведала ўсе парафіі дыяцэзіі. Яе віталі з верай і надзеяй найперш парафіяне, для якіх гэты час быў сапраўдным аднаўленнем рэлігійнага жыцця. Заканчэнне перэгрынацыі адбудзецца ўжо 22 кастрычніка ў гродзенскай катэдры св. Францішка Ксаверыя.
Кс. Юрый Марціновіч
Фота Антона Яскевіча
