23 верасня ў касцёле айцоў кармэлітаў у Лодзі (Польшча) на рукі генеральнай настаяцельніцы с. Блажэі Стэфанскай склалі свае першыя манаскія абяцанні с. Ірына Сверыд і с. Наталля Лужынская з Кангрэгацыі Сясцёр Кармэлітак Дзіцяткі Езуса. Сёстры родам з Беларусі - са Жлобіна і Вішнева.
Пасля чатырохгадовай фармацыі дзяўчаты далі першыя манаскія абеты чыстасці, убоства і паслухмянасці. Манахіні атрымалі новыя імёны - с. Ірына ад Крыжа Езусовага і с. Елізавета ад Езуса.
Ва ўрачыстасці таксама прынялі ўдзел сёстры з Адамавічаў і Гудагая.
