27 красавіка навучэнцы гродзенскай Вышэйшай духоўнай семінарыі разам з кс. прэфектам Андрэем Лішко наведалі дзяцей з радунскага дома-інтэрната.
Клерыкі зладзілі футбольны матч, у якім спаборнічалі з мясцовай камандай. Праводзілі інтэрактыўныя гульні, якія дапамаглі жыхарам дома-інтэрната бліжэй пазнаць семінарыстаў. Размаўлялі з моладдзю на тэмы, якія найбольш хвалююць падлеткаў.
"Семінарыйная супольнасць ужо на працягу не аднаго года апякуецца выхаванцамі інтэрната і заўсёды прыязджае да іх з вялікай радасцю і пашанай, як да вельмі блізкіх і дарагіх сэрцу людзей.
Час, праведзены з дзецьмі, як заўсёды, пралятае вельмі хутка, але кожная сустрэча застаецца надоўга ў памяці і будучых святароў, і выхаванцаў інтэрнату, якім так неабходны клопат", - адзначыў адзін з навучэнцаў семінарыі.
кл. Яўген Амосенак