25 красавіка сустрэчу для сваіх бацькоў арганізавалі айцы-піяры, якія нясуць паслугу ў Шчучыне.
Пасля таго, як гасцей прывітаў рэктар супольнасці а. Вітальд Пяцельчыц SP, адбылася Эўхарыстыя. Падчас св. Імшы бацькі разам са сваімі сынамі маглі аб'яднацца ў малітве.
Падчас другой часткі спаткання вернікі мелі магчымасць паразмаўляць на розныя тэмы і бліжэй пазнаць адзін аднаго. У сваю чаргу манахі пазнаёмілі бацькоў са штодзённымі абавязкамі кансэкраваных асобаў і наблізілі ім постаць святога Юзафа Каласанса - заснавальніка Ордэна піяраў.
***
Сёлета айцы-піяры перажываюць Юбілейны Год, падчас якога манахі святкуюць 400-годдзе існавання ордэна і 250 год з дня кананізацыі яго заснавальніка св. Юзафа Каласанса.
Харызма ордэна піяраў - гэта праца з дзецьмі і адкрыццё для іх прыгажосці веры. Асновай піярскага выхавання з’яўляецца давер манахаў да дзяцей і моладзі.
а. Віталь Слука SP