17 снежня ў кляштары айцоў-піяраў у Шчучыне прайшла аплатковая сустрэча для міністрантаў, харыстак і іх бацькоў. У гэтым годзе на вігіліі сабралося больш за 120 чалавек.
Спатканне распачалося ў парафіяльнай святыні супольнай малітвай – Вяночкам Дванаццаці Зорак, якую некалі запісаў св. Юзаф Каласанс, які з'яўляецца заступнікам літургічнай службы алтара і моладзевага хору "Каласанс".
Падчас набажэнства дзеці і іх бацькі прасілі аб супакоі, адзінстве і радасці ў сваіх сем'ях. Пасля сабраныя падзяліліся аплаткай, складаючы адзін аднаму святочныя пажаданні. На сустрэчу таксама завітаў св. Мікалай, які прынёс прысутным салодкія падарункі.
На заканчэнне вернікі прачыталі малітвы і заспявалі традыцыйныя калядныя песні.
Тэкст: а. Віталь Слука SP
Фота: Андрэй Арціш і Таццяна Саўк
