26 лістапада ўдзельнікі музычнага гурта “Ave” з Вышэйшай духоўнай семінарыі ў Гродне выступілі з канцэртам для ўдзельнікаў рэкалекцый цвярозасці, якія праходзілі ў гродзенскім касцёле Звеставання НПМ. Навучэнцы семінарыі разам з сабранымі вернікамі праслаўлялі спевам Бога, які дапамагае чалавеку знайсці выхад з самых складаных сітуацый.
Людзі, якія неабыякава ставяцца да праблемы алкагалізму, збіраюцца на духоўных практыкаваннях у касцёлах дыяцэзіі некалькі разоў у год.
У сваю чаргу клерыкі гродзенскай ВДС штотыдзень збіраюцца на супольнай малітве ў інтэнцыі тых, хто прагне вызваліцца ад алкагольнай залежнасці.
кл. Яўген Амосенак
