13 лістапада дапаможны біскуп Гродзенскай дыяцэзіі Юзаф Станеўскі закрыў сімвалічныя Брамы Міласэрнасці ў дыяцэзіяльным санктуарыі Маці Божай Каралевы нашых сем’яў у Тракелях.
Падчас святой Імшы іерарх нагадаў вернікам пра значэнне Брамаў Міласэрнасці, якія былі шырока адчынены на прыход як пілігрымаў, прыбываючых у гэтае месца, так і саміх парафіян, каб яны атрымалі ласкі, звязаныя са Святым Годам.
Дапаможны біскуп дыяцэзіі заўважыў, што Год Міласэрнасці, абвешчаны Папам Францішкам, абраў за мэту ў гэты час, цяжкі для ўсяго чалавецтва, пагружанае ў разнастайныя войны і збройныя канфлікты, адкрыць нанова Божую міласэрнасць.
Іерарх адзначыў, што гэтае сімвалічнае закрыццё Брамаў не азначае закрыцця доступу да Сэрца Хрыста, якое з’яўляецца заўсёды палымнеючым вогнішчам любові, цярплівым і вялікай міласэрнасці.
Біскуп Юзаф Станеўскі дадаў, што кожны чалавек у кожны час мае доступ да адвечных крыніц Божай міласэрнасці.
Кс. Юрый Марціновіч
