29 кастрычніка ў кляштары айцоў піяраў у Шчучыне адбылася сустрэча для бацькоў дзяцей і моладзі, якія належаць да літургічнай службы алтара і парафіяльнага хору "Каласанс".
Падчас спаткання а. Вітальд Пяцельчыц SP запрапанаваў паразважаць над тэмай, якая тычыцца адносін у сям'і на аснове адгартацыі Папы Франіцшка „Amoris laetitia”.
У той жа час для міністрантаў і харыстак была арганізавана невялічкая інтэграцыйная забава, якая мела на мэце бліжэй пазнаёміць з супольнасцю новых членаў літургічнай службы алтара і хору Каласанс.
На заканчэнне сустрэчы бацькі разам з дзецьмі прынялі ўдзел у супольнай Эўхарыстыі ў парафіяльнай святыні. Набажэнства ўзначаліў а. Ян Осіповіч SP (адказны за міністрантаў), Божае Слова да прысутных скіраваў пробашч парафіі а. Вітальд Пяцельчыц SP.
а. Віталь Слука SP
