4 сакавіка прыпадае ўспамін св. Казіміра – заступніка Гродзенскай дыяцэзіі, моладзі, майстроў і рамеснікаў. Традыцыйна ў гэты дзень у гродзенскай катэдры ў 9 гадзін раніцы цэлебруецца св. Імша, а на галоўнай плошчы горада праходзіць святочны кірмаш пад назвай “Казюкі”.
ТОП – 10 цікавых фактаў з жыцця святога
1. Св. Казімір нарадзіўся ў Вавельсікм замку ў Кракаве, але большую частку жыцця правёў у Гродне, дзе і памёр у 1484 годзе ад сухотаў. Рэліквія св. Казіміра знаходзіцца ў гродзенскай катэдры.
2. У дзяцінстве каралевіч Казімір выхоўваўся у строгасці, бо часта праяўляў схільнасць да непаслухмянасці і самавольства.
3. У юнацтве Казімір шмат часу прысвячаў малітве. Кожны дзень з самага світанку ён ішоў шляхам ад Старага Замку да Фары Вітаўта, дзе яго часта бачылі на каленях яшчэ перад зачыненымі дзвярыма святыні.
(шлях св. Казіміра, каралевіча)
4. Да каралевіча Казіміра з просьбай аб дапамозе заўсёды і без усялякіх перашкод маглі прыйсці хворыя і бедныя.
5. Вышэй за ўсё Казімір цаніў цнатлівасць.
6. Пры жыцці каралевіча адорвалі вялікай сімпатыяй, а пасля яго смерці часта казалі: “Ён павінен быў або не нарадзіцца, або стаць вечным”.
7. Праз стагоддзе пасля смерці Казіміра, у рамках працэсу кананізацыі, была адчынена ягоная труна, у якой цела каралевіча знаходзілася ў непарушаным стане.
8. На абразах св. Казіміра паказваюць з лілеяй у руках або на каленях перад касцёлам.
(абраз св. Казіміра ў гродзенскім касцёле імя св. Францішка Ксаверыя)
9. У дзень успаміну гэтага святога асвячаюць лекавыя зеллі .
10. Імя Казімір на слав. мове азначае той, хто ўсталёўвае супакой (kazi – гаварыць і mir – згода, супакой).
А так ушаноўваюць святога Казіміра ў Гродне - сэрцы Гродзенскай дыяцэзіі.
Падрыхтавала Ангеліна Марцішэўская
Фота: Ангеліна Пакачайла
