4 сакавіка ў Гродна па ўжо даўно ўсталяванай традыцыі прайшла ярмарка "Казюкі”. Назву сваю яна атрымала ў гонар св. Казіміра, заступніка Гродзенскай дыяцэзіі, моладзі, а таксама ўсіх майстроў і рамеснікаў. Сёлета ярмарка запомнілася гродзенцам не толькі цудоўнымі вырабамі з дрэва, гліны, саломы, воўны, лёна і г.д., але і снегападам, з-за якога некаторыя тварэнні было складана разглядзець.
Якія ж "Казюкі" без анёлкаў.
Гліняныя коцікі просяць есці.
Не зважаючы на снежную буру, на вул. Савецкай, дзе праходзіла ярмарка, сабралася даволі шмат грамадзян.
Асабліва дзяцей.
Якія маглі паназіраць за невялікім тэатрам лялек.
Застаецца толькі спадзявацца, што св. Казімір хутка прывядзе да нас вясну.
Падрыхтавала Ангеліна Марцішэўская
