Рада кардыналаў па дапамозе Святому Айцу ў кіраванні Касцёлам, якая 11 лютага 2015 г. закончыла сваё восьмае пасяджэнне, пазнаёмілася з папярэднім варыянтам праекту рэформы ватыканскіх СМІ і пагадзілася з яго асноўнымі прапановамі, распавёў кс. Фэдэрыка Ламбардзі.
Дакумент быў падрыхтаваны спецыяльнай камісіяй на чале з Крыстаферам Патэнам, былым кіраўніком “ВВС”. Падчас апошняга дня пасяджэння кардыналы абмеркавалі пытанні, звязаныя з правядзеннем бліжэйшага кансісторыя, а таксама арганізацыяй і дзейнасцю Сакратарыяту па эканамічных пытаннях. У другой палове дня яны пазмаёміліся з працай новай Папскай камісіі па абароне непаўналетніх.
Наступная сустрэча Рады кардыналаў па дапамозе Святому Айцу ў кіраванні Касцёлам пройдзе 13-15 красавіка 2015 г.
Паводле Ватыканскага радыё
