22 лістапада адзначаўся ўспамін святой Цэцыліі — апякункі касцёльнай музыкі. Гэтая святая — адна з найбольш папулярных і шанаваных у Касцёле, сваёй апякункай яе лічаць не толькі музыканты, але таксама харысты і розныя парафіяльныя музычныя супольнасці і школы. Ушанавала святую Цэцылію ў гэты дзень і моладзевая школа «Каласанс» у парафіі Св. Тэрэзы ў Шчучыне (Гродзенская дыяцэзія).
Пасля спеву, які мае месца ў парафіі кожную суботу, удзельнікаў школы «Каласанс» «наведала» сама святая Цэцылія, ролю якой выканаў адзін з парафіян, уручыўшы ім салодкія падарункі.
На наступны дзень, ва ўрачыстасць Пана нашага Езуса Хрыста, Валадара Сусвету, і з нагоды ўспаміну сваёй апякункі, удзельнікі школы «Каласанс» упрыгожылі сваім спевам Імшу ў парафіяльнай святыні.
А. Віталій Слука SP
