20 верасня ў Слоніме распачнецца Х юбілейны турнір па футболе памяці Яна Паўла ІІ. Да ўдзелу запрашаюцца рыма-каталіцкія парафіі з усёй Беларусі. Для жадаючых падаць заяўку заахвочваем азнаёміцца з важнай інфармацыяй.
1. Удзельнічаць у турніры могуць каталіцкія парафіі з усёй Беларусі.
2. Узрост удзельнікаў: ад 17 да 30 год. (Кожная парафія мае абавязак запоўніць фармуляр (СПАМПАВАЦЬ) у электроннай форме і выслаць яго на скрыню a-malafei@mail.ru. Такі самы фармуляр, падпісаны і зацверджаны пробашчам, разам з ксеракопіяй апошняй старонкі пашпарту кожнага гульца належыць прывезці ў Слонім.)
3. Кожная каманда можа мець у складзе толькі аднаго прафесіянала.
Прафесіянал - футбаліст ва ўзросце да 30 год, які грае ў Вышэйшай лізе (дубліруючы склад таксама), 1 ліга, 2 ліга, Чэмпіянат вобласці.
За неспаўненне патрабаванняў каманда будзе пакарана тэхнічным паражэннем 5:0.
У наступных гульнях за неаднаразовае парушэнне рэгламенту футбольная каманда будзе дыскваліфікавана.
4. Арганізатары забяспечваюць харчаванне і спартыўна-рэкрэацыйную праграму.
5. Максімальная колькасць удзельнікаў - 10 чалавек.
6. Матчы будуць праводзіцца на штучным полі "Белтрансгаз" (чатыры пляцоўкі 20х40м).
7. Каманда складваецца з 5 чалавек у полі (варотчык + 4 гульцы).
8. Колькасць зменаў падчас гульні не абмежаваная.
9. Час гульні - дзве паловы па 10 хвілін.
10. Каманды будуць выпадкова падзелены на групы.
Заяўкі на ўдзел прымаюцца да 10 верасня.
Кантакт па тэл.:
+375293195465 Velcom
+375336243522 MTS кс. Артур Малафей (арганізатар).
