16 мая ў Гродзенскай парафіі Божай Міласэрнасці (мікрараён Вішнявец) распачаліся XXI Дыяцэзіяльныя Дні Моладзі, у якіх прымае ўдзел каля 1300 чалавек з розных парафіяльных супольнасцей Гродзенскай вобласці. Дэвізам гэтых cустрэч з'яўляюцца словы: "Убогія духам маюць доступ да неба".
Першы дзень распачаўся малітвай і разважаннем перад Найсвяцейшым Сакрамантам, якую правёў кс. Антоній Грэмза, галоўны арганізатар моладзевага фестывалю.
Найважнейшым пунктам гэтага дня была св. Імша, якую ўзначаліў, кс. біскуп Юзаф Станеўскі. Яго Эксцэленцыя таксама прамовіў казанне.
Пасля духоўнага пасілку, надыйшоў час, каб падтрымаць свае фізічныя сілы.
Кс. Уладыслаў Сурвіла выясняе маладзёнам Божае Слова, а менавіта словы з І-га дабраславення Езуса, якое прагучала з Яго вуснаў у нагорнай пропаведзі.
Пасля духоўных разважанняў, перад удзельнікамі сустрэчы выступіў моладзевы гурт "Да неба" з Воранава.
Моладзь не хаваючы сваёй радасці і аптымізму, славіць Бога сваёй маладосцю.
Кс. Юрый Ёдзік, душпастыр з Радуні, запальвае ўсіх навокал сваім энтузіязмам
У сустрэчах прымаюць удзел каталікі з Афрыканскага кантыненту, якія навучаюцца ў Гродзенскіх навучальных установах.
Дзень завершыўся супольнай малітвай і благаслаўленнем святара.
