Cвецкія CМІ пра новага віцебскага біскупа

Многія дзяржаўныя і незалежныя СМІ не абышлі бокам падзеі, якая адбылася ў суботу ў Віцебску - біскупскія пасвячэнні кс. Алега Буткевіча, новага ардынарыя. Урачыстасць сабрала вялікую колькасць духоўных і свецкіх асобаў, сярод якіх была вялікая колькасць гасцей з-за мяжы. Прапануем Вашай увазе невялікі агляд таго, што пішуць і паказваюць беларускія масмедыя пра гэтую адметную для Касцёла ў Беларусі падзею.

Тэлеканал АНТ прысвяціў гэтай урачыстасці больш чым 2-х хвілінны відэарэпартаж

Дзяржаўнае інфармагенцтва БЕЛТА заўважыла, што новаасвечаны Віцебскі біскуп удзяліў крыху свайго часу і ўвагі для журналістаў

Партал Тut.by змясціў  даволі вялікі рэпартаж пад назвай "У віцебскіх католікаў - новы малады біскуп"

Не амінула падзею і Еўрарадыё, змясціўшы якасны фотарэпартаж

"Народныя Навіны Віцебска" далi пафасны загаловак "Алег Буткевіч узведзены ў сан біскупа Віцебскай дыяцэзіі. Dignus est!" і шмат цікавых фотаздымкаў

Адна з найстарэйшых віцебскіх друкаваных выданняў, газета "Віцебскі Кур'ер", змясціла ў інтэрнэце невялікую нататку і некалькі фотаздымкаў

Агенцтва БЕЛАПАН было больш стрыманым, падало толькі некалькі фотаздымкаў і невялічкі тэкставы матэрыял навіны

Сайт газеты "Наша Ніва" абмежаваўся перадрукоўкай інфармацыі з партала Tut.by

Радыё Рацыя ў кантэксце ўдзялення біскупскіх пасвячэнняў звярнула ўвагу на выказванне бпа Алега пра тое, што “рэвалюцый” ён не плануе, але "так, як у кожным доме, у кожнай справе, так і ў дыяцэзіі ёсць свае пытанні, якія патрабуюць вырашэння".