Па выніках турніру ІІ чэмпіянату Беларусі па міні-футболу сярод святароў, які прайшоў у гэтым годзе ў Лепелі (Віцебская дыяцэзія), першае месца заняла каманда Гродзеншчыны. Нашыя святары набралі 7 балаў і забілі 11 мячоў, такім чынам апярэдзіўшы каманду Віцебшчыны.
Усяго ў спартыўным мерапрыемстве прыняло ўдзел чатыры каманды з Мінска-Магілёўскай, Гродзенскай, Віцебскай і Пінскай дыяцэзіі. Адбылося шэсць матчаў, кожная з каманд гуляла па тры гульні:
Пінская і Віцебская дыяцэзіі,
Мінска-Магілёўская архідыяцэзія і Гродзенская дыяцэзія,
Пінская дыяцэзія і Мінска-Магілёўская архідыяцэзія,
Віцебская і Гродзенская дыяцэзіі,
Гродзенская і Пінская дыяцэзіі,
Мінска-Магілёўская архідыяцэзія і Віцебская дыяцэзія.
У выніку месцы размеркаваліся наступным чынам: 1-е - каманда Гродзенскай дыяцэзіі, 2-е - каманда Віцебскай дыяцэзіі, 3-е - каманда Мінска-Магілёўскай архідыяцэзіі, 4-е - каманда Пінскай дыяцэзіі.
Падчас цырымоніі ўзнагароджвання ўсе чатыры каманды атрымалі кубкі, а каманды, якія занялі першыя тры месцы, — медалі.
Спартыўнае спаборніцтва папярэдзіла св. Імша, якую ўзначаліў арцыбіскуп Тадэуш Кандрусевіч, мітрапаліт Мінска-Магілёўскай архідыяцэзіі.
Віншуем нашых святароў з І месцам!
Спартыўныя сустрэчы такога фармату маюць духоўна-інтэграцыйны характар, і дазваляюць святарам з розных дыяцэзій нашай краіны лепш пазнаць адзін аднаго.
Фотаздымкі можна праглядзець тут і тут
Паводле Catholicnews.by
