Дыяцэзіяльная сустрэча выкладчыкаў, настаўнікаў і выхавацеляў адбудзецца ў Лідзе 23 чэрвеня ў парафіі Божай Міласэрнасці (Ліда-Маладзёжны). На сустрэчу запрашае ксёндз біскуп Аляксандр Кашкевіч, прызнаючы вялікую ролю настаўнікаў, выкладчыкаў і выхавацеляў у распаўсюджванню асветы і выхавання ў Касцёле і нашым грамадстве "Няхай праз удзел у дыяцэзіяльнай сустрэчы выкладчыкаў, настаўнікаў і выхавацеляў дапаможа ўсім ў духоўным узрастанні ў школе Хрыста, Добрага Настаўніка і прыбавіць Вам сілаў ў церпалівым служэнні дзецям і нашай моладзі", адзначае ксёндз біскуп Аляксандр у запрашэнні.
Праграма дыяцэзіяльнай сустрэчы наступная:
10.30 - Прывітанне і сумесная малітва
10.45 - Канферэнцыя нт. “Настаўнік і Выхавацель - сведкам веры” (кс. Др Мікалай Ціхановіч, ВДС Гродна)
Перапынак
11.45 - Крыжовы шлях (Душпастырства настаўнікаў г. Гродна)
12.30 - Св. Імша
14.00 - Абед
15.00 - Прэзентацыя групаў нт. “Выхаванне вартасцям” (кс. Антоні Грэмза, душпастыр настаўнікаў г. Гродна).
Перапынак
16.30 - Падвядзенне вынікаў і заканчэнне
Заявіць пра свой удзел у сустрэчы трэба праз сваіх святароў да 15 чэрвеня ў дыяцэзіяльнай курыі. Удзельнікі самі павінны паклапаціцца пра свой даезд да месца сустрэчы.
